“Më zure pamjen e televizorit” Shqiptari nuk duron dot, ndjek nga pas tifozin anglez dhe e plagos me thikë në tualet

Gjatë njërës prej ndeshjeve të Anglisë në Kampionatin Europian, një shqiptar ka goditur me thikë tre herë një tifoz britanik.

Sherri nisi pasi i plagosuri kishte bllokuar pamjen e televizorit që po shihte agresori.

30-vjeçari Pëllumb Hysa është dënuar tani me 9 vjet heqje lirie pas sulmit brutal mbi 59-vjeçarin, që mori lëndime të rënda, por fatmirësisht nuk vdiq.

Shtetasit shqiptar i ishte kërkuar që të mos bllokonte televizorin gjatë ndeshjes me Ukrainën teksa mbështetësit e kombëtares angleze ishin mbledhur të shihnin ndeshjen ne Hotel Mill në Chester më 3 korrik.

I zemëruar me viktimën e tij, shqiptari mori një thikë dhe e fshehu në brezin e pantallonave, e më pas e ndoqi në tualet dhe ku dhe e sulmoi. Njëra nga plagët që mori 59-vjeçari ishte afër zemrës.

Në foton e shpërndarë nga Policia, Hysa shihet me sy të nxirë, pasi gjatë arrestimit u godit me grusht nga një shok i viktimës.