Me prindër të divorcuar dhe i rritur nga gjyshi, zbardhet e kaluara e 21-vjeçarit që ekzekutoi oficerin e policisë në Lezhë

Aldi Rama, i riu nga Lezha që vrau sot oficerin e Krimeve në Lezhë Saimir Hoxha, ka qenë i dënuar me 5 vite burg, por si përfundim është dënuar me 3 vite e 4 muaj për prodhim e shitje lëndësh narkotike dhe vjedhje.

Duke u nisur nga koha kur është kryer vepra penale, viti 2018,  autori ka qenë 18 vjeç.

I rritur nga gjyshi i tij dhe nisur nga fakti se që prej moshës 12-vjeçare ka qenë me prindër të divorcuar, gjykata ka pezulluar dënimin duke e lënë vetëm në shërbim prove.

Shkak për arrestimin e të riut në 2018 ka qenë ish e dashura e tij, e cila e kishte kallëzuar në prokurori për vjedhje të celularit, si dhe dhënie të lëndëve narkotike.

Ngjarja e rëndë ndodhi paraditen e së martës. Burime bëjnë me dije se efektivët e policisë së Lezhës mes të cilëve edhe viktima kanë gjetur parcela me kanabis. Janë kryer veprimet dhe më pas është evidentuar automjeti ku gjendej autori.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Pasi nga efektivi Hoxha është kërkuar të ushtrohet kontroll, 21-vjeçari ka qëlluar për efektivin e policisë Saimir Hoxha duke e lënë të vdekur.