Për shkak të situatës aktuale nga pandemia Norvegjia ka vendosur të shfuqizojë të gjithë masat e marra më parë.
Kështu, duke filluar nga dita e nesërme nuk do të kërkohet më distanca sociale, klubet e natës mund të rihapen dhe restorantet mund të pranojnë klientë si në kohëra normale.
Lajmin e dha kryeministrja Erna Solberg gjatë një konference për gazetarët.
“Janë bërë 561 ditë që nga koha kur ne i vendosëm masat më të ashpra në Norvegji në kohë paqeje. Tani ka ardhur koha për t’u rikthyer në përditshmëri normale”, tha ajo.
Vendimi është pjesë e një plani me katër faza për t’i larguar masat e vendosura në fillim të pandemisë vitin e kaluar. Megjithatë, zbatimi i fazës së fundit është shtyrë disa herë për shkak të shkallës shqetësuese të infeksioneve.
“Pas një kohe të shkurtër, ne tani mund të jetojmë normalisht”, tha shefja në largim e qeverisë norvegjeze.
