Mbërrijnë mbi 29 mijë doza vaksina Pfizer në Rinas, ja sa vaksina janë siguruar deri më tani

Mbrëmjen e kësaj të hëne, në vendin tonë kanë mbërritur dhe 29.250 doza të vaksinave Pfizer.

Dicka të tillë e ka bërë të ditur vetë Ministrja e Shëndetësisë Ogerta Manastirliu.

Nëpërmjet një postimi në rrjetin social “Facebook”, ajo shkruan se në total Shqipëria ka siguruar 2.074.560 doza të vaksinave kundër koronavirusit.

Postimi i Ogerta Manastirliut:

Edhe 29,250 doza vaksine Pfizer mbërritën në mbrëmje në Aeroportin “Nënë Tereza”, duke e çuar në 2,074,560 sasinë e vaksinave anticovid që kanë mbërritur deri tani në vendin tone.

Në 24 orët e fundit në vendin tonë është shënuar një ulje e numrit të të infektuarve, ndërsa numri i viktimave mbetet i lartë.

Janë regjistruar 294 raste të reja teksa kanë humbur jetën 13 qytetarë.