Makina merr flakë në Maliq pasi u mbush me karburant, si arritën të shpëtonin shoferi e pasagjeri

Një makinë është djehur në aksin nacional Korçë Pogradec, në afërsi të Maliqit.

Makina është furnizuar me gaz në një pikë karburanti dhe sapo ka dalë nga aty, mjeti është përfshirë nga flakët duke shkaktuar panik te drejtuesi i pasagjerit.

Drejtuesi dhe pasagjeri, kanë thënë se kanë dëgjuar 3 shpërthime njëra pas tjetrës dhe në kushte të tilla, kanë humbur kontrollin e kanë dalë nga rruga, sipas bw.

Në video shihen shtëllunga të mëdha tymi në ajër të shkaktuara nga mjeti që po digjet, ndërkohë zjarrfikëset e spërkasin makinën me ujë për të shuar flakët. Pas këtij procesi, makina shihet totalisht e shkrumbuar.