Lëvizte me armë zjarri nëpër qytet, bie në pranga “i forti” i Shkodrës

Policia  e Shkodrës ka arrestuar një 42 vjeçar pasi qarkullonte i armatosur.

Mësohet se gjatë aksionit u sekuestrua një armë zjarri pistoletë me një krehër me 7 fishekë që Gazmend Cekaj e mbante të fshehur në makinë.

“Gjatë kontrolleve në vendin e quajtur rruga e Golemit, shërbimet e Policisë, kanë gjetur në automjetin e 42 vjeçarit, poshtë sediles së drejtuesit mjetit një armë zjarri pistoletë me një krehër me fishekë.

Në përfundim të veprimeve, nga specialistët për Hetimin e Krimit u bë arrestimi në flagrancë i shtetasit G. C., 42 vjeç, për veprat penale “Mbajtja pa leje e armëve, armëve shpërthyese dhe e municionit””, njofton policia.

Materialet i kaluan Prokurorisë pranë Gjykatës së Shkallës së Parë Shkodër, për veprime të mëtejshme procedurale.