Kush janë zyrtarët e lartë që do të takojë? Zbardhet axhenda e plotë e Angela Merkel në Tiranë

Zbardhet axhenda e kancelares së Gjermanisë Angela Merkel, e cila do të vizitojë Shqipërinë më 14 shtator.

Njoftimin e ka dhënë ambasada gjermane në Tiranë.

Institucioni diplomatik bën me dije se Merkel do të takohet fillimisht me kryeministrin Edi Rama dhe më pas me krerët e qeverive të gjashtë shteteve të Ballkanit Perëndimor.

“Kancelarja Angela Merkel do të vizitojë Shqipërinë të martën, më 14 shtator ? Në Tiranë ajo do takohet fillimisht për një bisedë me kryeministrin Edi Rama. Të planifikuara janë biseda që lidhen me çështjet e politikës ekonomike dhe marrëdhëniet dypalëshe midis Shqipërisë dhe Gjermanisë, por edhe çështje që lidhen me përafrimin me BE-në . Në bisedimet e mëpasme me krerët e qeverive të gjashtë shteteve të Ballkanit Perëndimor, në plan të parë do të jenë çështjet e bashkëpunimit rajonal. Gjithashtu janë planifikuar bisedime dypalëshe me krerët e qeverive të Kosovës, Bosnje dhe Hercegovinës, Malit të Zi dhe Maqedonisë së Veriut.”-thuhet në mesazhin e Ambasadës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern