LIGJET E BIZNESIT
Degët e gjuhës greke dhe ruse në Fakultetin e Gjuhëve të Huaja në Universitetin e Tiranës rrezikojnë mbylljen. Kjo për faktin se në degën e gjuhës greke nuk ka asnjë të regjistruar, ndërsa në atë të gjuhës ruse ka vetëm 1 student. Kjo u bë e ditur nga Rektori i Universitetit të Tiranës, Artan Hoxha, sipas të cilit dy degët e Fakultetit të Gjuhëve të Huaja mund të mbyllen që këtë vit.
Sipas Hoxhës, rritja e notës mesatare, kohëzgjatja e studimeve dhe paga në këto profesione, janë disa prej arsyeve që stepin maturantët.
“Shkaqet të marra së bashku duhet të na vënë në mendime për të rishikuar në tërësi qëndrimet e institucioneve të arsimit të lartë”, thotë ai.
Për të nisur studimet në Universitetin e Tiranës këtë vit akademik kanë aplikuar rreth 58 mijë maturantë për rreth 5100 vende të lira.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
