Kërkonte para në këmbim të legalizimeve, SPAK “fundos” ish-kreun e Kadastrës së Beratit

Për ish-kreun e Kadastrës së Beratit Ervin Nelaj SPAK ka kërkuar 3 vite burg.

Ai u arrestua më 26 janar të këtij viti nga policia e Beratit me urdhër të Prokurorisë së Posaçme.

SPAK në bashkëpunim me policinë e Beratit e ka hetuar për 9 muaj kreun e Kadastrës. Sipas institucionit të akuzës, janë siguruar prova se shtetasi Ervin Nelaj, në cilësinë e Drejtorit të Drejtorisë Vendore të Agjencisë Shtetërore të Kadastrës, Berat, në bashkëpunim me punonjës të tjerë në këtë institucion, kanë marrë në disa raste përfitime monetare të parregullta, me qëllim për të kryer veprime që lidhen me detyrën e tyre, për legalizimin e objekteve informale dhe regjistrimin e titujve të pronësisë.