LIGJET E BIZNESIT
Shumë njerëz të pasur nëpër botë si Jeff Bezos apo Elon Musk mund ti lejojnë vetes luksin për të udhëtuar në hapësirë.
Ndërsa për ata që janë të apasionuar dhe nuk kanë mundësi, thjesht mund të ulen dhe të shohin përmes televizorit apo smartphonëve.
Por edhe për këta të fundit ka një zgjidhje alternative.
Bëhet fjalë jo për një udhëtim në hapësirë por një stimulim i eksperiencës hapësinore.
Për shumë persona, është një shumë marramendëse, por me 7500 dollarë mund të shijosh atë çfarë do të thotë të notosh në hapësirë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Njerëzit mund të përjetojnë ndjenjën e një astronauti brenda një ambienti me zero gravitet. Përvoja e Zero Gravitetit lejon që aventurierët të rrokullisen, të notojnë dhe të varen me kokë poshtë në kabinën e zbrazët të një Boeing 727, sipas shefit ekzekutiv të Korporatës Zero G, në SHBA, Matt Gohd.
Kur aeroplani me emrin “G-Force One” arrin një lartësi mbidetare prej 7,300 metra, pilotët fillojnë të ngjiten, dhe më pas e shtyjnë aeroplanin në maj të një harku parabolik.
Në atë moment, udhëtarët mbesin në rënie të lirë – dhe ndihen pa peshë për 20 deri 30 sekonda derisa aeroplani të zbresë përsëri në rreth 7,000 metra. Pilotët e përsërisin manovrën rreth 15 herë gjatë fluturimit.
