Jepet vendimi përfundimtar, GJKKO dënon me burg Adriatik Llallën

Apeli i GJKOO ka lënë në fuqi vendimin për dënimin me dy vite burg të ish-Kryeprokurorit Adriatik Llalla.

Mësohet se ky i fundit prej një jave ndodhet jashtë Shqipërisë për tu mjekuar në një klinikë private për shkak të problemeve shëndetësore.

Në lidhje me këtë vendim ka reaguar dhe avokati i Llallës Sokol Hazizaj.

“Unë isha në gjykatën e Apelit dhe shtrova pretendimet e mia për mbrojtjen ligjore. Klienti im ndodhet aktualisht në regjim spitalor”, është shprehur ai.

Nëse nuk paraqitet pas lënies në fuqi të vendimit, ndaj ish Kryeprokurorit mund të shpallet mandat arresti e urdhër kërkimi ndërkombëtar.

Kujtojmë se SPAK më herët ka kërkuar të mbetet në fuqi dënimi me dy vite burg për Llallën.