LIGJET E BIZNESIT
Sekretari i Përgjithshëm i PS Damian Gjiknuri është pyetur sot në lidhje me një “luftë” të mundshme brenda selisë rozë.
Sipas kësaj teorie, flitet se marrëdhënia mes tij dhe Ballukut e Ahmetajt është ftohur, ndërsa shihet një afrim me kryebashkiakun e Tiranës Erion Veliaj.
Në lidhje me hipotezën në fjalë, Gjiknuri hodhi poshtë zërat se ekziston një gjë e tillë, megjithatë ai u përball me këmbënguljen e gazetarit i cili i tha se e ka këtë informacion nga burime të sigurta, e kjo për shkak se zgjedhjet lokale po afrojnë.
“Janë konspiracione, mund të mos jetë konspiracion për ty në bisedën që ke bërë me dikë tjetër, por nëse më pyet mua nuk jam pjesë e një grupimi, dhe jam aty sekretar për të lënë jashtë të gjitha grupimet. Sigurisht në një grupim ka aleanca të çastit, por këto janë gjëra që lëvizim. Unë si sekretar jam i baraslarguar dhe aq i afërt me të gjithë dhe postin tim nuk e ngatërroj me të tilla gjëra që thoni ju,” tha Gjiknuri në Top News.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
