Itali/ Plagosen me thikë 5 persona, mes tyre dhe një 5-vjeçar!

Një ngjarje e rëndë ka ndodhur mbrëmjen e sotme në Rimini të Italisë, pas një sulmi në një autobus.

Pesë persona, mes të cilëve edhe një fëmijë 5 vjeç, janë plagosur me thikë.

Autori është një 26-vjeçar me origjinë somaleze, i cili goditi dy punonjës në autobus pasi i kërkuan të nxirrte biletën. Më pas ai goditi edhe tre pasagjerë, mes të cilëve edhe një fëmijë 5-vjeç.

I riu kërcënoi me thikë edhe shoferin, duke e detyruar të hapte derën e autobusit dhe më pas u largua në këmbë, por fatmirësisht u kap nga policia në kohë.