“Ish-bashkëshorti ishte dhelpër” Protesta te Ministria e Brendshme, flet vëllai i Sabrina Bengajt

I pranishëm sot në protestën para Ministrisë së Brendshme, ishte dhe vëllai i të ndjerës Sabrina Bengaj, Armando.

Ai ka deklaruar se ish-kunati i tij Elton Metaj, është një dhelpër që e ka luajtur mirë rolin.

Sipas tij, Metaj ia punoi të gjithë familjes shumë bukur mbrapa krahëve.

‘’Ata janë  fajtorët që e nxorën nga burgu atë. Edhe ai doktori në burgun e Zaharisë që gjoja ka qenë i sëmurë, ai ka qenë një dhelpër që diti ta luajë mirë rolin. Na i punoi shumë bukur, neve. Na i punoi mbrapa krahëve. ‘’- tha Armando Bengaj.