Incident te Infektivi/ E reja sulmon efektivin e policisë te dera e spitalit: Dua të hyj brenda me mamin

Këtë muaj situata nga pandemia është përkeqësuar ndjeshëm, ku shtimi i rasteve të reja të infektimit ka sjellë kaos në spitalet në Tiranë për shkak të shtrimeve të shumta.

Ndërkohë sot në mesditë në Spitalin Infektiv, i njohur ndryshe dhe si “Covid-1” ka ndodhur një incident mes familjarëve të një pacienteje që po shtrohej dhe efektivëve të policisë.

Në një video të publikuar nga “ABC” shihet se si dy të afërmet e një gruaje që sapo u shtrua në spital kanë tentuar që të futen brenda në spital bashkë me të infektuarën, gjë që është rreptësisht e ndaluar. Kur një efektiv policie ka tentuar që t’i ndalojë, ka hasur në kundërshtimin fizik të tyre.

“Dua të hyj brenda vëlla. Në rregull?,”-dëgjohet ajo në video.

Situata është qetësuar pasi pranë efektivit kanë mbërritur edhe pjesa tjetër e punonjësve të tjerë të sigurisë së spitalit.