LIGJET E BIZNESIT
Mbrëmjen e djeshme fitorja e Florian Markut, i cili u shpall kampion bote në peshat e mesme i ngriti peshë zemrat e të gjithë shqiptarëve.
Por pas karrierës së lavdishme të tij, qendron edhe një grek.
Bëhet fjalë për trajnerin Georgios Armagos, i cili e ka spikatur që të vogël kampionin.
Gjithë këto vite ai ka qenë pranë boksierit shqiptar, jo vetëm si mësues dhe trajner, por dhe një mbrojtës dhe promovues në shtypin dhe opinionin grek.
Pas fitores ai i ka hedhur mbi supe edhe flamurin shqiptar djaloshit të guximshëm, si për të përçuar mesazhin se sporti na bashkon.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kreu i Komunitetit Shqiptar të Selanikut, Luan Zyka ndau në ‘Facebook’ me foto, momentin emocionues.
“Shikoni këtë foto me Kampionin tonë Botëror te Boksit, Flori Marku.Ai që i hedh mbi supe flamurin shqiptar është traineri i tij prej vitesh, selanikasi Georgios Armagos (Γε?ργιος Αρμ?γος).Jorgos e ka spikatur që në vogëli talentin dhe shpirtin e paepur te Florit. Ai, gjithë këto vite ka qenë pranë Florit jo vetëm si mësues dhe trainer i tij, por edhe një mbrojtës dhe promovues ne shtypin dhe opinion grek.Është emocionues ky veprim i Georgios Armagos, këtij njeriu dhe traineri të madh, që me punën e tij mbështet vlerat e larta dhe burrërore njerëzore në sport, pa dallim etnik, por duke respektuar edhe origjinën e sportistit të tij.Ashtu siç e tregoi edhe sonte duke hedhur mbi supet e Florit, kampionit botëror, flamurin e kombit të tij, flamurin kuqezi.Respekt dhe nderim trainerit dhe grekut të madh Georgios Armagos”, shkruan Luan Zyka.
