E rëndë në Tiranë/ U përplasën me një makinë, aksidentohen dy policë të “Shqiponjave”

Një aksident i rëndë ka ndodhur pak momente më parë në Tiranë.

Si pasojë e përplasjes me një makinë, janë plagosur dy efektivë të forcave “Shqiponja” të cilët po udhëtonin me motor.

Mësohet se ngjarja u shënua pranë zonës së Kopshtit Botanik.

Në foton e publikuar shihen dy efektivët e shtrirë në rrugë dhe motorët e bërë copash.

Ndërkohë sipas policisë, drejtuesi i mjetit është një 40-vjeçar.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Rreth orës  10:05, në rrugën “Shkëlqim Fusha”, janë përfshirë në përplasje mjeti me drejtues R. K., 40 vjeç me mjetin motor të policisë me drejtues E. M dhe pasagjer J. D,(punonjës policie në shërbim).

Si pasojë janë dëmtuar të dy punonjësit e policisë, të cilët u dërguan në spital dhe ndodhen nën kujdesin e mjekëve”, thotë policia.

Grupi hetimor punon për sqarimin e rrethanave të aksidentit.