Si pasojë e shpërthimit të një bombole gazi, dy persona janë plagosur ditën e sotme në një lokal në Durrës.
Mësohet se ata ndodhen jashtë rrezikut për jetën.
“Më datë 21.09.2021, rreth orës 14:45, në Kallm, Durrës, dyshohet se si pasojë e rrjedhjes së gazit ka marrë flakë dhe më pas ka shpërthyer një bombël gazi në lokalin e shtetasit M. B.
Nga shpërthimi i bombulës së gazit janë lënduar shtetasit M. B., 28 vjeç (pronari i lokalit) dhe shtetasja M. K., 35 vjeçe, (kliente), të cilët ndodhen nën kujdesin e mjekëve, jashtë rrezikut për jetën”, njoftoi policia.
