Kryetari i LZHK dhe aleati i Lulzim Bashës, Dashamir Shehi ka kritikuar mënyrën se si lideri i opozitës përjashtoi Sali Berishën nga grupi parlamentar i Partisë Demokratike.

Sipas tij, duhet të ishte gjetur një shteg, me qëllim që ti mbushej mendja drejtuesve të partisë, por edhe vetë Berishës që ajo ishte rruga më e duhur.

Në emisionin “Opinion”, Dashamir Shehi tregoi se si do të vepronte nëse do të ishte në vendin e Lulzim Bashës, për të marrë një vendim të imponuar nga amerikanët.

Dashamir Shehi u shpreh se amerikanët bisedojnë më të gjithë aktorët politikë, por më pas negociojnë me fitimtarët.

“Unë jam i bindur që do të kisha gjetur një shteg, ti ke burrninë me u përplas me atë që ke përpara, mos u fshih.  Filozofia bazë sipas mendimit tim është se ato negociojnë me fitimtarët. Psh, unë kam dalë dreka dhe darka dhe kur vinte puna fitonte Berisha. Merreshin me atë pastaj dhe jo me mua.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Nuk do vinte puna për votim, sepse do bindje ata njerëz që vendosin në parti, do bindej edhe atë vetë që shtegu më i mirë për të dalë nga kjo situate është ky”, tha Dashamir Shehi.

Më tej ai vazhdoi argumentin duke thënë se Sali Berisha ishte duke u harruar, por tani e kthyen në mit.

“I thashë ju e mitizuat Berishën, e betë hero. E nxorët nga historia normale dhe u bë mit. Berisha po harroheshe në një farë mënyre. Këta e mitizuan dhe tani na është krijuar një ide që Berisha dhe Luli, po nuk janë këta s’ka opozitë. Do ketë opozitë, janë me mijëra djem e vajza të rinj, ndoshta edhe opozitë më të mirë”, u shpreh Dashamir Shehi.

Me nota humori, ai tregoi edhe një situatë gjatë seancës së sotme parlamentare: “Nja dy deputetë sot sa nuk qanë. Ore ca na ndodhi? Ca ka ndodh mo, po vritet njeri. Jo! Jemi në një situatë që po flasim si njerëz”.