“Dua Lipës i është dhuruar një vilë në Jug”, gazetarja jep detaje: I bën reklamë!

Gazetarja Klotilda Harka tha te “Rudian”, se këngëtarja me famë ndërkombëtare Dua Lipa ka një shtëpi në jug të Shqipërisë, që prej vitit të shkuar, e cila i është dhuruar në kuadër të reklamimit.

“Nuk ishte kaq surprizë në fakt, sepse që verën e kaluar, kam marrë informacion që Duas i është dhuruar një rezidencë në jug të Shqipërisë, një vilë rezidenciale dhe përgatitjet për ardhjen e saj kanë filluar që vitin e kaluar.

Siç duket një bashkëpunim që është mbajtur sekret, mes biznesit, mes pronarëve… i kanë dhuruar kundrejt reklamimit, natyrisht për të rritur vlerën sepse normal që edhe të huajt do e shohin me një sy tjetër, e ndoshta do të jenë turistët e ardhshëm. Ka një vit që bëhen përgatitjet për Duan, nuk ishte kaq surprizë, veçse është mbajtur sekret për të qenë vërtetë një lajm surprizues kur Duan ta shihnim në Tiranë apo në jug”, tha gazetarja.