LIGJET E BIZNESIT
Kryeministri Edi Rama ka firmosur në datën 13 shtator 2021 ndryshimet në kontratën e Shqipërisë me kompanizë e vaksinave Pfizer.
Ndryshime të tilla do të jenë sekrete ashtu si dhe vetë kontrata, të cilën kreu i qeverisë Rama ka vendosur ta mbajë larg syrit të publikut.
Firma për këto ndryshime është dhënë në datën 13 shtator dhe vendimi është bërë publik në fletoren zyrtare këtë të mërkurë.
Këtë vendim Rama e ka marrë teksa qeveria e mandatit të dytë vijon të jetë në pushtet dhe qeveria e re pritet të votohet në Parlament nesër.
“Ndryshimet në marrëveshjen për prodhimin dhe furnizimin nga dhe ndërmjet Pfizer Export B.V., Ministrisë së Shëndetësisë dhe Mbrojtjes Sociale, ministrit të Shtetit për Rindërtimin dhe Institutit të Shëndetit Publik, bashkëlidhur këtij akti normativ, për shkak të sekretit tregtar, nuk do të publikohen në asnjë ëebsite të institucioneve apo në Fletoren Zyrtare”, thuhet në VKM.
Marrëveshja me kompaninë “Pfizer” është nënshkruar në datën 18 janar të këtij viti, ku për palën shqiptare ka firmosur Ministria e Shëndetësisë, Instituti i Shëndetit Publik dhe Ministria e Rindërtimit.
Nga marrëveshja e pandryshuar, Shqipëria përfitonte 500 mijë doza Pfizer. Mbeten mister se ku konsistojnë ndryshimet e kontratës, por së fundmi, ministrja Ogerta Manastirliu tha se së shpejti do të lidhet një kontratë e re me Pfizer për 500 mijë doza vaksinash.
