Të gjithë ata persona që do të udhëtojnë nga Tirana për në Gjermani, duhet të jenë të pajisur me pasaportën e vaksinimit.
Sipas njoftimit të Aeroportit të Rinasit “Nënë Tereza”, thuhet se duhet të kenë kaluar të paktën dy javë nga data e vaksinimit të plotë ose provë të kalimit të infeksionit Sars-Cov2, e vlefshme deri në 6 muaj pas shërimit.
Po ashtu pasagjerët duhet të kenë aplikuar në faqen zyrtare të autoriteteve gjermane einreiseanmeldung.de.
“Në rast se nuk jeni të pajisur me certifikatën e vaksinimit duhet të keni testin Antigen ose PCR dhe duhet të bëni 10 ditë karantinë në adresën e shkruar në PLF. Fëmijët nën moshën 12 vjeç përjashtohen nga detyrimi i testit molekular ose antigjen”, thuhet në njoftim.
NJOFTIMI I PLOTE I TIA:
Në vëmendje të pasagjerëve që udhëtojnë nga Tirana International Airport drejt Gjermanisë
Të gjithë pasagjerët që udhëtojnë nga Tirana International Airport drejt Gjermanisë duhet të jenë të pajisur me:
1. Pasaporten vaksinimit, ku nga data e vaksinimit të plotë të kenë kaluar të paktën dy javë ose provë të kalimit të infeksionit Sars-Cov2, e vlefshme deri në 6 muaj pas shërimit.
2. Digital PLF Passenger Locator Form: einreiseanmeldung.de
Në rast se nuk jeni të pajisur me çertifikatën e vaksinimit duhet të keni testin Antigen ose PCR dhe duhet të bëni 10 ditë karantinë në adresen e shkruar në PLF.
Fëmijët nën moshën 12 vjeç përjashtohen nga detyrimi i testit molekular ose antigjen.
Faleminderit për mirëkuptimin,
Tirana International Airport
