Do udhëtoni drejt Gjermanisë? Ambasada nxjerr informacionin për shqiptarët: Ja cilat janë kushtet e reja

Numri i lartë i të infektuarve me C OVID19 ka bërë që Gjermania të fusë Shqipërinë në listën e vendeve me rrezik të lartë.

Ndërkohë ambasada në Tiranë ka njoftuar masat e reja që do të hynë në fuqi duke nisur nga data 5 shtator për shqiptarët që duan të udhëtojnë drejt Gjermanisë.

Mësohet e tre janë kushtet për të udhëtuar:  të jeni vaksinuar, dëshmi shërimi nga infeksioni ose testi. Megjithatë, thotë ambasada gjermane, pas mbërritjes do ju duhet të karantinoheni për dhjetë ditë. Pas pesë ditësh, mund të testoheni përsëri dhe, nëse rezultati i testit është negativ, mund t’i jepni fund karantinës.

Njoftimi i plotë nga ambasada gjermane në Tiranë

Informacion i rëndësishëm për udhëtarët për në Gjermani

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Nga dita e dielë, 5 shtator 2021, Shqipëria konsiderohet sërish  si një vend me rrezik të lartë nga Covid19. Për hyrjen në Gjermani kjo do të thotë:

Ju duhet të regjistroheni në faqen e internetit www.einreiseanmeldung.de para se të udhëtoni për në Gjermani.

Gjatë regjistrimit Ju duhet të ngarkoni një dëshmi shërimi nga një infeksion me Covid19 ose që jeni plotësisht të vaksinuar.

Nëse nuk mund të paraqisni asnjërën nga këto dy dëshmi, do t’ju duhet një test i Covid19 për të hyrë në Gjermani. Megjithatë pas mbërritjes do ju duhet të karantinoheni për dhjetë ditë. Pas pesë ditësh, ju mund të testoheni përsëri dhe, nëse rezultati i testit është negativ, mund t’i jepni fund karantinës.

Informacione të mëtejshme gjenden në faqen tonë të internetit:   https://tirana.diplo.de/al-sq/-/2480008