“Do të ketë dorëheqje të tjera” Nesër nis Kuvendi, Myslym Murrizi bën paralajmërimin e fortë

Një ditë para nisjes së sesionit të ri parlamentar, ish-deputeti i opozitës Myslym Murrizi paralajmëron se do të ketë dorëheqje të tjera.

Jo vetëm kaq, por ai shtoi se Kuvendi është i inkriminuar ende pa filluar.

“Siç ka nisur ky Kuvend me pesë dorëheqje unë shoh se do të ketë edhe të tjera. Ndryshe nga se na u paraqit në fushatë si elitar është Kuvend që ka probleme, ka reklamuar inkriminimin e tij ende pa filluar në datën 10. Nga informacionet që kam unë nga data 11 prill në 25 prill në bankat e nivelit të dytë janë lëvizur mbi 134 milionë euro.

Më shumë sesa ndjesa për djegien e mandateve kam përshtypjen se Bashën e shqetëson një problem edhe më i madh, raporti që duhet të vendosë me PD personal dhe me Berishën në raport me PD.”, u shpreh Murrizi.