“Do hash plumbin ballit” Trondit Skënder Brataj, tregon mesazhet kërcënuese që i vinë në telefon

Kreu i Urgjencës Kombëtare Skënder Brataj i ka habitur të gjithë me deklaratën e fundit që ka bërë.

Ai është shprehur sot në programin “Shqipëria live” , se ka marrë mesazhe të shumta kërcënuese në lidhje me situatën e pandemisë dhe gjërat që ka thënë si dhe qendrimin e tij pro vaksinimit.

Brataj tha se qëllimi i tij si profesionist është të shpjegojë sëmundjen dhe studimet për vaksinën anti- C OVID19.

“Ka mesazhe do hash plumbin ballit apo kërcënime por nuk kam frikë të jap mendimin tim. Në një emision televiziv kishte mjekë, avokatë e politikanë dhe shpreha mendimin tim që një avokat nuk mund të shpjegojë sëmundjen dhe vaksinën se nuk e njeh. Ky është qëllimi im si profesionist.

Kush kalon sëmundjen ka imunitet, por bërja e vaksinës sugjerohet minimum 6 muaj pasi ke kaluar sëmundjen. Studimet tregojnë se ata që vaksinohen janë 10 herë më të mbrojtur se ata që kanë kaluar sëmundjen dhe nuk vaksinohen”, tha Brataj.