Data/ Sesioni i ri parlamentar, Meta lëshon dekretin: Ja kur do të mblidhet Kuvendi

Më datë 10 shtator, ditën e premte Kuvendi do të mblidhet me 140 deputetët që kanë dalë nga zgjedhjet e 25 prillit.

Ndërkohë presidenti Ilir Meta ka lëshuar dekretin ku do të miratojë mbledhjen e parë të Legjislaturës së X-të të Kuvendit të Republikës së Shqipërisë.

NJOFTIMI I PLOTË NGA PRESIDENCA:

REPUBLIKA E SHQIPËRISË PRESIDENTI

D E K R E T PËR THIRRJEN E MBLEDHJES SË KUVENDIT TË PORSAZGJEDHUR TË REPUBLIKËS SË SHQIPËRISË

Në mbështetje të nenit 65 pika 1, 67 pika 1, dhe 93 të Kushtetutës së Republikës së Shqipërisë, pas zhvillimit të zgjedhjeve të përgjithshme për Kuvendin e Republikës së Shqipërisë të datës 25.04.2021, rezultati përfundimtar i të cilave është shpallur nga Komisioni Qendror i Zgjedhjeve përmes Vendimit nr. 21, datë 13.07.2021, të Komisionit Rregullator, si dhe në kushtet kur Legjislaturës së IX-të të Kuvendit, i përfundon mandati në datën 09.09.2021,

D e k r e t o j:

Neni 1

Ditën e premte, në datë 10 shtator 2021, ora 10:00, thirret për t`u mbajtur mbledhja e parë e Legjislaturës së X-të të Kuvendit të Republikës së Shqipërisë.

Neni 2

Ky dekret hyn në fuqi menjëherë.

Nr. Dekretit 13207
Tiranë, më 01.09.2021

PRESIDENTI I REPUBLIKËS

ILIR META