Betimi te presidenti Meta, kryeministri Rama mbërrin në Presidencë

Kryeministri Edi Rama ka mbërritur në Presidencë, ku së bashku me anëtarët e tjerë të kabinetit do të betohen te Presidenti Ilir Meta.

Qeveria “Rama 3” përbëhet nga 12 gra e 5 burra bashkë me kryeministrin, ndërsa do të betohen para një presidenti që e kanë ‘shkarkuar’.

Ishte mazhoranca e PS që inicioi shkarkimin e Metës me pretendimin se kishte ndikuar dhe ndërhyrë në zgjedhjet e 25 prillit.

Dje kryeministri Edi Rama dhe ministrat e qeverisë së re u miratuan në Kuvend me 77 vota pro, 53 kundër dhe 1 abstenim.