Betimi i Qeverisë “Rama 3”, reagon PD: Më e korruptuara në Ballkan

Partia Demokratike ka reaguar= për betimin dhe mbledhjen e parë të Qeverisë “Rama 3” duke thënë se dita e sotme ishte një “propagandë bajate e qeverisë më të korruptuar në Ballkan”.

Reagimi zyrtar i PD:

Propaganda bajate e qeverisë më të korruptuar në Ballkan, i darkave te Nusreti dhe hoteleve 700 euro nata, shfaq si risi kodin e etikës që qysh prej 2013-ës përdori për t’u hedhur hi syve, qytetarëve. Të gjithë e mbajmë mend me sa ‘etikë’ u ngrit sistemi nepotik në qeveri, me sa ‘etikë’ vëllezër e kushërinj ministrash gëzuan paprekshmërinë për t’u kthyer në zota të drogës dhe trafiqeve, duke dëshmuar se fjalët e shumta mbi etikën fshihnin pikërisht mungesën e saj, pasi si atëhere edhe tani, PPP-ja Rama, Doshi, Rakipi, bashkëqeverisjen, e ka me krimin dhe kundër interesave të shqiptarëve.