Ish-kryeministri Sali Berisha ka publikuar edhe njëherë momentin kur flet përballë gazetarëve teksa ndodhej në hyrje të Kuvendit. Ai u shpreh se Rama mund të blejë dhe të shesë Bashën sa herë të dojë, por kurrë Partinë Demokratike dhe demokratët shqiptarë. Një deklaratët e tillë është shpërndarë masivisht në rrjet e mesa duket ish-kryeministrie ka pëlqyer kaq shumë videon që iu është bërë nga ndjekësit saqë e ka ndarë dhe ai vetë në profilin e tij në rrjetin social ‘Facebook’.
“Mund të blesh dhe të shesësh Edi Rama, Lulzim Bashën. Por, kurrë Partinë Demokratike dhe demokratët shqiptarë. Kjo është përfundimtare. Je i pashpresë”, shprehet ish-kryeministri Berisha.
Ditën e enjte kryedemokrati Basha njoftoi se me një vendim të tijin ka vendosur përjashtimin nga grupi parlamentar të ish-kryeministrit Sali Berisha.
