Në fjalën e saj gjatë konferencës së përbashkët me kryeministrin Edi Rama, kancelarja gjermane Angela Merkel ka mohuar faktin se “Procesi i Berlinit” ishte një dështim.
Ajo tha se ndoshta Bashkimi Europian nuk ecën me ritme të shpejta, por është në kohën e duhur.
“Jo në fakt se konsideroj si të tillë. Nuk mendoj se është mbaruar ndërtimi i autostradave. Janë planifikuar, janë procese që janë iniciuar, kemi shkëmbime në nivel shkencor. S’ka ndodhur gjithçka. Sa i përket bashkëpunimit në nivel të organizatave joqeveritare, jam takuar me një kryetar të një organizate këtu te ju. BE ndoshta nuk është aq i shpejtë në këtë drejtim, por është në rrugë të duhur.”, tha ajo.
