Aksident në Tiranë-Durrës/ Humb jetën një person, policia jep detajet e para

Pasditen e sotme në aksin rrugor Tiranë-Durrës ka ndodhur një aksident i rëndë automobilistik.

Mësohet se një 60 vjeçar ka humbur jetën pasi është përplasur nga automjet.

Shtetasi A. A., 62 vjeç, duke drejtuar automjetin tip “Ford”, ka aksidentuar një këmbësor ende të paidentifikuar, rreth 60 vjeç.

Ndër të tjera mësohet se për shkak të plagëve të marra këmbësori ka ndërruar jetë.

“Më datë 11.09.2021, në orën 16:40, në aksin rrugor Tiranë-Durrës, shtetasi A. A., 62 vjeç, duke drejtuar automjetin tip “Ford”, ka aksidentuar një shtetas këmbësor ende të paidentifikuar, rreth 60 vjeç, i cili për pasojë ka ndërruar jetë.

Drejtuesi i automjetit është shoqëruar në ambientet e Policisë për veprime të mëtejshme”, thuhet në njoftimin e policisë.