Një aksident i rëndë automobilistik ka ndodhur sot në mëngjes në rrugën nacionale Burrel-Milot.
Mësohet se ngjarja u shënua në Baz, ku në aksident është përfshirë një familje nga Dibra me pesë anëtarë.
Sipas informacioneve të plagosurit janë dërguar menjëherë në Spitalin e Burrelit, ku njëri prej tyre është nisur urgjent me helikopter drejt Spitalit të Traumës në Tiranë, pasi ka marrë ndihmën e parë.
Ndërkohë, policia dhe grupi hetimor ndodhen në vendngjarje dhe po punojnë për të zbardhur shkaqet e aksidentit.
