Gazetarja e njohur Klodiana Lala ka dhënë detaje në lidhje me vrasjen e Hekuran Billës.
Duke iu referua dosjes së pokuoisë, ajo tha se janë 11 zyrtarë policie dhe të SHISH që kanë kërkuar në sistemin TIMS emrin e të ndjerit.
Hekuran Billa u ekzekutua kur sapo ishte kthyer nga Belgjika.
Lala tha se mendon që ndonjë prej 11 personave të pyetur mund të jetë i përfshirë dhe bashkëpunëtorë me autorët e vrasjes, duke theksuar se Shërbimi për Çështjet e Brendshme dhe Ankesat duhet të nisë një hetim.
“Një detaj shumë interesant në kërkesën e prokurorisë për pushimin e çështjes. Pyetja e një numri shumë të lartë të zyrtarëve të policisë dhe të SHISH. 11 punonjës policie në periudha të ndryshme kanë kërkuar në sistemin TIMS emrin Hekuran Billa. Personalisht mendoj se ndonjëri prej tyre është i përfshirë dhe ka qenë bashkëpunëtor me autorë.
Këtu mendoj që është çështje e SHÇBA që duhet patjetër të nisë një hetim dhe të shikojë rolin e secilit punonjës policie. Nuk mund që prokuroria të bazohet tek këto deklarime. Ai është vrarë sapo ka hyrë në territorin shqiptar. Mendoj që kjo çështje do shkoj drejt një pushimi të mundshëm. Edhe nëse do kthehet për një rihetim do shkojë drejt pushimit. Ajo që duhet të na shqetësojë është konflikti dhe saga e gjakmarrjes që mund të vijojë mes familjeve”, tha Lala.
