28-vjeçari gëlltit 40 doza kok ainë për t’i shpëtuar policisë në aeroport

Një 28-vjeçar ka përfunduar në prangat e policisë greke pasi është kapur me kokainë.

Mediat shkruajnë se shtetasi nigerian është arrestuar teksa po priste në Aeroportin Ndërkombëtar të Athinës “Eleftherios Venizelos”.

I riu mbërriti në Greqi nga Beogradi, teksa transportoi me “metodën e gëlltitjes” plot 40 pako të improvizuara kokaine, me një peshë totale prej 420 gramë, të cilat iu konfiskuan.

Midis të tjerash, sipas artikullit të publikuar nga mediat greke thuhet se i është konfiskuar edhe telefoni celular.

28-vjeçari është dërguar në Gjykatën e shkallës së Parë të Athinës.