Një ngjarje mjaft e rëndë është shënuar ditën e sotme në SHBA. Një adoleshent ka vrarë prindërit dhe motrën e tij të vogël teksa fotot e masakrës i ka postuar nëpër rrjetet sociale, para se t’i kthente armën dy qenve të familjes dhe vetes kur policia mbërriti në vendngjarje.
Uilliam Colburn, 15 vjeç, vrau të atin e tij 63-vjeçar, nënën e cila festonte ditëlindjen, si dhe motrën 2 vite më të vogël se ai, në atë që policia e quan vrasje të 3-fishtë.
Po ashtu, ai postoi foto të familjarëve të tij të vdekur në rrjetet sociale, ku dhe kërcënoi se të njëjtën gjë do të bënte edhe në shkollë.
Policia zbarkoi menjëherë në shtëpinë e tyre në Aransas Oaks të Teksasit në orën 11 të darkës.
