Një video e publikuar ku pushuesit e një plazhi në Spanjë kapin dhe neutralizojnë një trafikant droge po bën xhiron e rrjetit.
Në videon e bërë virale shihet një person që del me skafin me 800 kg kanabis në breg.
Menjëherë, pushuesit e plazhit Sorvilan të Granatas nisin të ndjekin me shpejtësi trafikantin, që donte të largohej.
Në skaf ndodheshin dy persona, të cilët tetuan të largoheshin me vrap për t’i shpëtuar policisë, por njëri prej tyre u shtri në tokë nga plazhistët.
I dyshuari i dytë u kap disa minuta më vonë, pak metra nga bregu. Autoritetet konfirmuan se në skaf ndodheshin mbi 800 kg kanabis, të ndarë me 25 pako.
