“Vaksinohuni dhe mbroni jetë” Nuk dorëzohet Manastirliu, apel të fortë qytetarëve

Ministrja e Shëndetësisë Ogerta Manastirliu ka dalë me një thirrje të fortë, ku apelon për vaksinimin e qytetarëve, teksa kurba e infektimeve nga C OVID19 po pëson rritje në ditët e muajit gusht.

Shifrat prej 410 rastesh të reja dhe 2 viktimash në 24 orë, i ftojnë të gjithë sipas Manastirliut, për përgjegjësi morale dhe qytetare.

REAGIMI I PLOTE:

Shifrat në rritje të infektimeve ditore na ftojnë të gjithëve për përgjegjësi morale dhe qytetare, për t’u vaksinuar sa më parë ndaj #Covid19, për mbrojtjen e shëndetit dhe jetës

Mbi 1100 vaksinatorë janë çdo ditë në shërbim të qytetarëve për vaksinimin anticovid, në çdo qendër shëndetësore dhe pikë vaksinimi të përqendruar.

Shfrytëzoje këtë muaj të hapur të vaksinimit masiv për çdo qytetar +18 vjeç, për t’u vaksinuar sa më parë ndaj #Covid19
#VaksinohuSot

#MbroShëndetin

#VaksinatShpëtojnëJetë