LIGJET E BIZNESIT
Për shkak të rritjes së numrit të rasteve të reja, javën e ardhshme pritet që të ketë masa kufizuese në Shqipëri.
Top Channel bën me dije se vendimi mund të merret nga Komiteti Teknik i Ekspertëve.
Kujtojmë se kjo lëvizje vjen pak kohë pasi kryeministri Edi Rama tha se vaksinimi mund të bëhet me detyrim për kategori të caktuara personash, sic janë studentët dhe pedagogët.
Nga ana tjetër, po diskutohet gjithashtu dhe për kufizimin e lëvizjes, pasi mutacioni Delta që ka dhe transmetueshmëri më të lartë pritet ta përkeqësojë situatën edhe më shumë.
Aktualisht janë 8866 pacientë aktivë me virusin në të gjithë vendin. Në Spitalin Infektiv po marrin trajtim 96 pacientë, nga të cilët 17 janë në gjendje më të rënduar.
Në 24 orët e fundit u shënuan dy viktima dhe 905 raste të reja me C ovid-19. Numri i të shëruarve ka shkuar në 132 mijë e 723 që nga fillimi i pandemisë në vend.
