Ulje temperaturash dhe shira të izoluar/ Si ndryshon moti javën e parë të shtatorit

Sinoptikania Adiola Bani ka bërë me dije se vendi ynë gjatë kësaj fillim jave do të paraqitet kryesisht me kthjellime, ndërsa vranësirat do të jenë shumë pak prezente, kryesisht në zonat malore.

Gjatë paradites së të mërkurës, kryesisht në zonat veriore do të ketë reshje të pakta dhe të izoluara. Ndërsa pjesa tjetër e territorit vijon në të njëjtat kushte atmosferike.

E premtja rikthen kthjellimet në të gjithë territorin shqiptar, por fundjava do të ndryshojë tërësisht kushtet atmosferike, duke sjellë vranësira të pakta dhe reshje të izoluara.

Për sa i përket temperaturave të ajrit gjatë kësaj jave vlerat termike do të luhaten nga 11 gradë celcius mëngjesi në zonat malore dhe maksimumi parashikohet rreth vlerës 31-32 gradë.