LIGJET E BIZNESIT
Një ngjarje e rëndë është shënuar në Florida të SHBA-së, ku një 27-vjeçare shqiptare është gjetur e vrarë në makinë.
Trupi i pajetë i nënës së fëmijëve të mitur, u gjet brenda makinës së saj në afërsi të Kopshtit Memorial ‘ëoodlaën’ në Shën Petersburg rreth orës 17:30 të ditës së shtunë.
Sipas mediave amerikane bëhet fjalë për shtetasen Joana Peca, me origjinë nga Gjirokastra. Oficerja e Informacionit Publik të Departamentit të Policisë në Shën Petersburg, Sandra Bentil ka pohuar se një telefonatë erdhi rreth orës 17:30 pasdite të së shtunës në të cilën thuhej se një person ishte qëlluar. Kur oficerët mbërritën, Bentil u shpreh se gjetën 27-vjeçaren të vdekur brenda një makine, ndërkohë që dy fëmijët e saj, nuk ishin lënduar por të tmerruar.
“Dy fëmijë të vegjël sonte do të shkojnë në shtrat pa nënën e tyre,” tha e prekur oficerja e policisë.
Për momentin, policia vazhdon të hetojë të dyshuarit për krimin e rëndë që i mori jetën shqiptares. Policia ka apeluar qytetarët që të raportojnë nëse kanë të dhëna mbi ketë ngjarje.
Mediat kanë mësuar se shumë vite më parë, 27-vjeçares i kanë ekzekutuar babai në Shqipëri në vitin 1996, teksa dyshohet se ishte përfshirë në cështje të trafikut të drogës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
