Ish-ministri i Ekonomisë dhe Financave, Arben Malaj ka komentuar ardhjen e afganëve në Shqipëri, të cilën e sheh pozitivisht. Malaj thotë se Shqipëria do të ketë nevojë për njerëz të arsimuar nga vendet e tjera teks thekson se afganët që po vijnë në vendin tonë janë të mirëarsimuar dhe mirëtrajnuar.
‘’Vendim shumë i mirë, përputhet me vlerat mikpritëse të shqiptarëve. Populli e jep mbështetjen kur nuk e kundërshton një vendim. Është në kulturën tonë. Afganët janë të mirëseardhur, duhet ti mirëpresim. Shqipëria do të ketë nevojë për njerëz të arsimuar nga vende të tjera. Shkalla e arsimimit të tyre do e përcaktojë kërkesa.’’- u shpreh Malaj në News24.
Ai thotë se ardhja e afganëve mund të ketë impakt pozitiv në biznes, hapjen e vendeve të reja të punës apo edhe garanton se nuk do të zënë vendet e punës që mendojnë shqiptarët.
‘’Tek pjesa e biznesit mund të kenë ndikim pozitiv. Mund të krijojnë më shumë vende pune. ‘’- shton Malaj.
Për ish-ministrin, afganët në vendin tonë nuk krijojnë asnjë rrezik apo për më tepër cënim të sigurisë kombëtare.
