Një autobus është përfshirë nga flakët. Ngjarja ndodhi në afërsi të fshatit Ilias të Himarës. Mësohet se autobusi ka qenë me turistë të huaj, ndërkohë që drejtuesi i autobusit ka vënë re flakë në motor dhe është ndalur duke zbritur një e nga një pasagjerët. Për fat të mirë nuk ka të lënduar.
Menjëherë, për ngjarjen janë njoftuar punonjësit e zjarrfikëseve të cilët kanë mundur të fikin zjarrin në motorin e mjetit.
Bëhet me dije se kanë qenë rreth 25 kosovarë me banim në Kosovë, të cilët po shkonin në drejtim të Sarandës.
Pushuesit nga Kosova janë transportuar me autobus tjetër. Mësohet se shkaku i zjarrit në motor ka qenë nxehja.
