Situatë alarmante nga pandemia në Kosovë.
Mësohet se në 24 orët e fundit janë regjistruar 36 viktima.
Ky është deri më tani numri më i lartë i vdekjeve për shkak të virusit.
Gjithashtu janë raportuar dhe 1630 raste të reja.
Të dhënat i ka bërë të ditura Ministria e Shëndetësisë në njoftimin e përditshëm zyrtar.
Sot janë shëruar 816 qytetarë, derisa numri i përgjithshëm i të shëruarve është 113 mijë e 699.
NJOFTIMI I PLOTE:
#Bashkëiadalim 29 Gusht 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon: Në 24 orët e fundit janë dhënë 11.458 doza të vaksinës kundër COVID-19.
Deri më sot 269.312 qytetarë janë vaksinuar me dozën e dytë. Nga 11.017 testime, 1.630 qytetarë kanë rezultuar pozitiv me virusin COVID-19. Gjatë 24 orëve të fundit, janë shënuar 36 raste të vdekjes.
Sot janë shëruar 816 qytetarë, derisa numri i përgjithshëm i të shëruarve është 113.699. Në total numri i rasteve aktive është 26.575.
