Rregullat e reja për të hyrë në Kosovë/ Qytetarët ‘kërcënojnë’ se do bllokojnë doganën: As ata të mos vijnë

Kanë hyrë sot në fuqi masat e reja anti-Covid në Kosovë, ku duke filluar nga 30 gushti e deri më 13 shator, për t’u paraqitur në pikën kufitare të Morinës, qytetarët shqiptarë duhet të posedojnë certifikatën e vaksinimit të plotë, testin e RT-PCR negative brenda 72 orëve.

Qytetarët që udhëtojnë nga Shqipëria janë shprehur të revoltuar duke thene se nuk është e drejtë kjo masë për sa kohë qytetarët nga Kosova udhëtojnë drejt Shqipërisë pa asnjë kusht të tillë.

“Na kanë kthyer për testin. Krejt kosovarët po vijnë te ne. Kjo nuk është e drejtë. Të bëhet ndonjë zgjidhje, Ndryshe as ata mos të vijnë. Ne shkojmë dhe punojmë në Kosovë. Nëse nuk bëhet ndonjë zgjidhje ne po dalim të bllokojmë rrugën dhe as ata mos të vijnë dhe as ne mos të shkojmë më andej”, shprehet njëri prej tyre për ABC news.