Ish-ministri i Drejtësisë, Ylli Manjani, ka dalë me një reagim në rrjetet sociale, pas lajmit se SHBA është përfshirë në një marrëveshje të fshehtë me Shqipërinë dhe Kosovën për të dërguar mijëra afganë në dy vendet tona.
SHBA ka vendosur që të largojë nga Afganistani të gjithë bashkëpunëtorët e saj për ti shpëtuar një hakmarrje të mundshme të talebanëve.
Sipas Manjanit qeveria shqiptare do ta shfrytëzojë këtë situatë tërësisht për politikë, dhe se janë shitur shumë lirë që të pranojnë strehimin e afganëve.
Postimi i Manjanit:
Amerika që ka shpenzuar 2.261 trilion dollarë për luftë kundër talebanëve dhe ku humbi rreth 180 000 njerëz atje, nuk paska sot një vendstrehim të përkohshëm në një shtet kufitar me Afganistanin për të strehuar bashkëpunëtorët e saj?!
E meqë nuk ka atje, REUTER thotë se Amerika po kërkon vend në Shqipëri.
Nuk paska Amerika një shtet aleat më të kamur që ta ndihmonte më mirë në këtë përpjekje, por Shqipëria e Kosova i paskan mbetur?!
Shumë çudi!
Jam i bindur që qeveria jonë do ta pranojë strehimin e përkohshëm të tyre, jo për humanizëm, por për politikë.
Dmth për këto deklarimet qesim që këput zonia Kim e ndonjëherë edhe zoti Palmer. Është komode të sundosh në vendin tënd me deklarata nga të huajt… Aq më tepër në një shoqëri që vijon të jetojë me lajmet e faqes 4 të Zërit të Popullit…!!!
Të paktën t’ia kishin dhënë shansin shqiptarëve që të shprehnin humanizmin edhe në këtë rast!
Shqiptarët pranojnë të hapin dyert e shtetit të tyre pa asnjë paragjykim, por qeveria i keqpërfaqëson.
I prezanton ata shumë cheap!!!
Nejse, prap një gjë nuk e kuptoj:
tek i vënë në avionë për t’i nxjerrë nga Afganistani, përse nuk i çojnë direkt në Amerikë?! Atje i kanë shumë kollaj ti paisin me dokumentacion dhe me shumë më pak shpenzime…
Apo eficensë Amerikane…
