Një i ri 25-vjeçar dhe e ëma kanë rrezikuar mbytjen pasditen e kësaj të enjteje, për shkak të detit me dallgë të mëdha në Spille.
Bëhet me dije se 25-vjeçari Oltion Baraktari, i datëlindjes 14/02/1996, ka hyrë në det për t’u larë se bashku me nënën e tij, mirëpo era e fortë dhe dallgët e kanë tërhequr. Për pasojë, nuk ka mundur të dalë më në breg.
Vrojtuesi Idajet Roci e ka pikasur nga larg 25-vjeçarindhe menjëherë ka rendur për ta shpëtuar. Në luftë me dallgët, roja bregdetare ka rrezikuar të mbytet, por për fat të mirë ka arritur të dalë në breg bashkë me të riun dhe nënën e tij.
Burime për “FaxNeës” thanë se vrojtuesi ka dalë në breg në gjendje tepër të rënduar shëndetësore, por pasi ka marrë ndihmën e parë dhe është dërguar në spital, gjendja e tij paraqitet e stabilizuar.
