LIGJET E BIZNESIT
Mbrojta e biodiversitetit është mision për gjithsecilin si kusht themeltar mbi sigurimin e zhvillimit sa më shëndetshëm të shoqërisë.
Më shumë se sa vetë individi, kjo detyrë jetike rëndon mbi institucionet të cilat duhet të jenë pararojë e të gjitha ndryshimeve që garantojnë uljen e ndotjes së ujit, ajrit, tokës, etj.
Të jetuarit në një mjedis të pastër, bëhet gjithnjë edhe më e vështirë, andaj edhe është e rëndësishmë të evideontohen jo vetëm ndotësit por edhe ata që bëjnë përpjekje për të mbrojtur sa më shumë sistemin ekologjik.
Vitet e fundit aktorë të ndryshëm të shoqërisë si kompani, operatorë postarë financiarë, organizata ente publike etj, kanë zhvendosur vëmendjen në gjetjen e mënyrave alternative dhe përdorimin e teknologjisë për reduktimin e ndotjes së mjedisit.
Një prej flamurtarëve në këtë mision për jetën, është edhe Posta Shqiptare e cila ka përshkallëzuar përpjekjen për të eleminuar ndotjen që mund të vijë prej saj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Përgjegjësia Sociale Koorporative si një nga 3 shtyllat e misionit të Postës Shqiptare është e orientuar drejt mbështetjes së kauzave të ndryshme sociale me impakt në komunitetin ku P.SH ushtron aktivitetin e saj.
Për të ilustruar këtë do të mjaftonte të përmendnim projektin “Go Green” të Postës Shqiptare, i cili është fryt i zbatimit me sukses të projekteve dhe bashkëpunimeve ndërkombëtare.
Si rrjedhojë është mundësuar shtimi i armatës postare me një flotë prej 12 automjetesh ekologjik dhe 20 motorëve me efiçencë të lartë motorike për të minimizuar impaktin në ndotjen e mjedisit.
Video :
Përmes këtij projekti të modernizuar me bosht ekologjik, Posta Shqiptare synon të japë kontributin e saj sado modest në përmirësimin e cilësisë të shëndetit përmes zvogëlimit të ndikimit negativ të dyoksidit të karbonit në atmosferë, në kuadër të mbështetjes së direktivës të U.P.U.-së për mbrojtjen e mjedisit global ku theksohet se, shkaku kryesor i ndotjes së mjedisit në operacionet postare është flota e automjeteve të çdo operatori postar.
Ky projekt veç të tjerash, sjell edhe fuqizim të ndjeshëm të flotës së transportit të dërgesave postare me automjete ekologjike të Postës Shqiptare, si operatori i vetëm publik në vendin tonë, me qëllimin e ofrimit të shërbimeve postare për të gjithë përdoruesit sipas standardeve të cilësisë të U.P.U.-së dhe PostEuropës.
Veç të tjerash, është garantuar rinovimi i 20% të automjeteve të amortizuara të flotës ekzistuese me mjete ekologjike dhe 100% elektrike, duke ulur shpenzimet në konsumin e karburantit dhe të mirëmbajtjes së automjeteve.
Referuar të dhënave të bëra publike nga Posta Shqiptare, ky institucion fuqizoi flotën e automjeteve me 12 furgonë ekologjik kargo nga të cilët: shtatë furgona ekologjikë kargo, pesë furgonë 100% elektrikë kargo dhe 6 stacione.
Pra, një fillim i mbarë në vijim të përpjekjeve që nxisin rritjen e ndërgjegjësimit sa i përket mrojtjes së mjedisit.
Duke nisur nga shembulli i Postës Shqiptare, të tjera institucione do të ndikohen për të ndërmarrë një sërë nismash për reduktimin e ndotjes mjedisore, si fushata sensibilizuese për përdorimin e mjeteve elektrike dhe ato eco-friendly, duke siguruar lehtësira në infrastrukturë.
Duke implementuar projektin e përdorimit të flotës ekologjike për kryerjen e aktivitetit të përditshëm, Posta Shqiptare shënon një kthesë të madhe drejt një misioni që sa vjen dhe bëhet më jetik: “Të mbrojmë mjedisin!”
