“Nuk ka hiç nevojë për negociata ala Kim” Ylli Manjani ka një propozim për demokratët

Ish-ministri i Drejtësisë Ylli Manjani është shprehur se debati mbi koalicionin e shumëpërfolur PD-PS nuk i intereson aspak.

Sipas tij është e rëndësishme të krijohet një platform bashkëpunimi parlamentar për fillimin e bisedimeve për anëtarësimin në BE për ndërtimin e një Proporcionali Kombëtar të thjeshtë dhe harimin e një Kushtetute të re.

REAGIMI I PLOTE:

Pak më intereson debati mbi idenë koalicion (apo jo) PS-PD.  Por jam shumë mbështetës i idesë së një platforme bashkëpunimi parlamentar e cila duhet të arrijë:

1. Fillimin e bisedimeve për anëtarësim në BE.
2. Përmbysjen e sistemit hajdut zgjedhor dhe ndërtimin e një Proporcionali Kombëtar të thjeshtë, pa ndarje e karrema që dhurojnë pushtet pa votë.
3. Hartimin e një Kushtetute të re, si dokument themelor parimesh demokratike, ekonomike e të shtetit të drejtë.

Kaq mjafton, del e tepron!

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Më së shumti e pres nga Partia Demokratike të jetë nismëtare e kësaj platforme bashkëpunimi parlamentar.

Dhe nuk ka hiç nevojë për negociata ala Kim, as për kimë me ligje ambasadash, të cilat më pakti kanë haber nga punët tona dhe, më së shumti i shërbejnë qartësisht qeverisë.

Ky duhet të ishte misioni themelor i këtij parlamenti, pavarësisht si u zgjodh.