LIGJET E BIZNESIT
Gjatë një daljeje për mediat, kryeministri Edi Rama sot nuk i ka kursyer kritikat për kabinetin e tij qeveritar të këtij mandati të dytë.
Ai është ndalur në veçanti, në dy sektorë, atë të Turizmit dhe të Arsimit, ku tha se ka ende shumë për të bërë dhe se problematikat e dala ja vlejtën për të mbajtur shënimet për të përmirësuar ata.
Këto dy sektorë i drejtojnë dy ministra, i Turizmit, Blendi Klosi dhe i Arsimit, Evis Kushi.
Rama tha se pati probleme me menaxhimin e plehrave në zonat turistike dhe administrimin e plazheve, ndërsa në fushën e arsimit tha se ka ende për të bërë si në arsimin parauniversitar dhe në arsimin e lartë, për të cilin theksoi se “nuk jam aspak krenar”.
Ai u përqendrua edhe te aktivitetet kulturore të fëmijëve ku tha se duhet të fillojnë që kur janë të vegjël dhe se edukatoret duhet të paguhen njësoj si mësuesit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Pandemia dhe hallet e mëdha që erdhën me të nuk na dhanë mundësinë të fuqizoheshim në drejtim të ofertës sonë turistike dhe do të mbete më tej për të mbajtur shënim për të rregulluar gjërat që nuk shkojnë, si psh mbetjet në zonat turistike, administrimi i plazheve që këtë sezon la shumë pa dëshiruar, por edhe të tjera çështje. Edhe për arsimin ka shumë ende për të bërë, na ndan një det i tërë për realizmin e ambicies tonë për një Shqipëri arsimore. Sa i takon situatës në universitete, nuk jam askap krenar.
Gjithashtu duhet të merremi me jeten kulturore të fëmijëve tanë. Edukatoret duhet të paguhen njësoj me mësuesit”, tha Rama.
