“Nëse je mbi 18 vjeç, shfrytëzoje këtë mundësi” Manastirliu del më apelin e fortë për të gjithë qytetarët (VIDEO)

Ditën e sotme ministrja e Shëndetësisë, Ogerta Manastirliu ka vizituar qendrën shëndetësore në Sarandë.

Ajo ka deklaruar se procesi i vaksinimit kundër C OVID19 po ecën me ritme të mira.

Gjithashtu Manastirliu njoftoi se sot do të mbërrijnë 50.000 doza Pfizer.

“50.000 doza të tjera të vaksinës Pfizer mbërrijnë sot në vend, për të vijuar pa u ndalur vaksinimi në çdo komunitet me njësitë lëvizëse, në qendrat e vaksinimit të përqendruar dhe në qendrat shëndetësore.  Nëse je mbi 18 vjeç, shfrytëzoje këtë muaj mundësinë për t’u vaksinuar për të mbrojtur veten dhe njerëzit e dashur”, shkruan Manastirliu.

Ajo gjithashtu ka ftuar të gjithë qytetarët mbi 18 vjeç të vaksinohen sa më parë, duke apeluar edhe studentët të vaksinohen përpara fillimit të vitit të ri akademik.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Ne jemi të angazhuar që të vijojmë gjatë muajit gusht me vaksinimin e grupmoshës +18 vjeç, duke ndalur fokusin tek të gjithë ata të cilët janë më të rrezikuar +50 vjeç, por gjithashtu duke synuar edhe studentët, ata të cilët duhet të jenë në auditore në vitin e ri, të jenë sa më të mbrojtur, për të bërë të mundur kufizimin e përhapjes së variantit Delta dhe gjithashtu për të ulur dhe për të reduktuar rastet e rënda dhe fatalitetet”, nënvizoi Manastirliu.

Në vendin tonë deri tani kanë kryer 1,203,087 vaksinime antivCOVID. Mbi 530.000 qytetarë kanë marrë të dyja dozat e vaksinës.

Muaji gusht do të jetë muaj i hapur i vaksinimit për të gjitha qytetarët +18 vjeç, për të kryer vaksinën kudo në qendrat shëndetësore apo në pikat e vaksinimit të përqendruar, ku secili mund të paraqitet me kartën e identitetit.